⚠️ Canlı Dəstək komandası hər gün (09:00-01:00) saatlarında aktiv xidmət göstərir. Müraciətlər sayt üzərindən aparılır və əksər məhsullar anında təqdim olunur. ⚠️
Son yenilənmə:
BASED.AZ - İSTİFADƏÇİ QAYDALARI VƏ ŞƏRTLƏRİ
Bu Qaydalar və Şərtlər www.based.az platformasında qeydiyyatdan keçən və xidmətlərdən istifadə edən bütün istifadəçilərə şamil olunur. Qeydiyyatdan keçməklə, istifadəçi bu sənəddə qeyd edilmiş bütün şərtləri qəbul etmiş sayılır:
⚠️ ƏN VACİB MƏLUMATLAR ⚠️
• Geri ödəniş yalnız qaydalarda qeyd olunan hallarda mümkündür və yalnız based.az saytında balans şəklində təqdim edilir
• Geri ödəniş zamanı 5%-dək xidmət haqqı (bank komissiyaları və əməliyyat xərcləri daxil olmaqla) tutula bilər. (saytda mədaxil faizsizdir)
• Üçüncü tərəf platformalar tərəfindən edilən deaktivasiya və məhdudiyyətlər Based.Az nəzarətində deyil
• Bu hallarda geri ödəniş və ya əvəzləmə hüquqi baxımdan təmin edilmir və yalnız könüllü icra edilə bilər
Based.Az Azərbaycan Respublikasının qanunvericiliyinə uyğun fəaliyyət göstərən rəqəmsal xidmət platformasıdır və vasitəçi xidmət təqdim edir. Platforma üzərindən yalnız qanuni məqsədlər üçün istifadə etmək icazəlidir.
2.1. İstifadəçi qeydiyyat zamanı təqdim etdiyi məlumatların tam, düzgün və aktual olmasına görə məsuliyyət daşıyır.
2.2. Yanlış məlumat nəticəsində yaranan hüquqi və texniki məsuliyyət istifadəçinin üzərindədir.
2.3. Qeydiyyatla yanaşı, istifadəçi şəxsi məlumatlarının emalına dair təqdim olunmuş “Məxfilik Siyasəti” və “Açıq Razılıq” şərtlərini qəbul etmiş sayılır.
3.1. 18 yaşdan aşağı şəxslər platformadan yalnız valideynin və ya qanuni nümayəndənin razılığı ilə istifadə etməlidir.
3.2. Ailə üzvünün kartından icazəsiz istifadə nəticəsində yaranan məsuliyyət istifadəçiyə məxsusdur. Platforma bu hallara görə cavabdehlik daşımır.
4.1. Sifariş yalnız ödəniş təsdiqləndikdən sonra sistemdə qeydə alınmış sayılır.
4.2. Rəqəmsal məhsullar adətən dərhal, gecikmə olarsa maksimum 24-48 saat ərzində təqdim edilir.
4.3. Sifarişlər növbə əsasında icra olunur, sifariş verildikdən sonra sifarişin ləğvi yalnız icra başlanmamış hallarda mümkündür.
4.4. Rəqəmsal məhsullar təqdim olunduğu andan istifadə edilmiş hesab olunur.
4.4.1 Təqdimat dedikdə hesab məlumatlarının, giriş imkanının, aktiv linkin, promokodun, dəvətin və ya abunəliyin istifadəçiyə ötürülməsi başa düşülür. Bu andan etibarən rəqəmsal məhsul təqdim edilmiş hesab olunur.
5.1. Ödəniş yalnız Based.Az tərəfindən göstərilən rəsmi hesab və ödəniş kanalları ilə qəbul olunur.
5.2. Üçüncü şəxslərə edilən ödənişlərə görə platforma məsuliyyət daşımır.
5.3. Ödənişin təsdiqi qəbz, sistem qeydi və ya bank təsdiqi əsasında yoxlanılır. Zəruri hallarda istifadəçidən əlavə təsdiqedici məlumat tələb oluna bilər.
6.1. Abunəliklərin bitmə tarixi ilə bağlı istifadəçiyə 2-3 gün əvvəl texniki olaraq mümkün olduğu hallarda bildiriş göndərilir.
6.2. İstifadəçinin öz cihazında və ya şəxsi texniki problem səbəbilə hesabdan istifadə edə bilməməsi geri qaytarma əsası deyil.
6.3. Əgər məhsulun işləmə qaydası məhsul səhifəsində göstərilibsə, istifadəçi bu məlumatla tanış olmağa borcludur.
6.4. Tək cihazlıq hesabların başqaları ilə paylaşılması qadağandır.
6.5. Bəzi sifarişin texniki icrası və səlahiyyətli texniki əməkdaşların iştirakı
6.5.1. Sifariş edilən bəzi rəqəmsal xidmətlərin aktivləşdirilməsi üçün səlahiyyətli texniki əməkdaşlar (yəni, www.based.az çalışanları) istifadəçinin sifariş zamanı təqdim etdiyi məlumatlardan yalnız xidmətin aktivləşdirilməsi üçün tələb olunan minimum həcmdə istifadə edə bilər.
6.5.2. Bəzi platformalarda abunəliyin və ya xidmətin aktivləşdirilməsi üçün texniki olaraq region uyğunluğu və digər texniki aktivləşdirmə metodları tələb oluna bilər. Bu proses xidmətin düzgün aktivləşdirilməsi üçün zəruri texniki prosedurdur.
6.5.3. Aktivləşdirmə məqsədi ilə istifadə edilən məlumatlar yalnız sifarişin icrası üçün emal olunur. Bu məlumatlar əlavə kommersiya məqsədləri üçün istifadə edilmir və saxlanılması qanunvericiliklə və ya texniki zərurətlə tələb olunmadıqda xidmət tamamlandıqdan sonra əlavə emal edilmir, silinir və ya anonimləşdirilir.
6.5.4. Based.Az istifadəçinin şəxsi məlumatlarının təhlükəsizliyinin qorunmasını təmin edir və bütün texniki icra prosesləri Azərbaycan Respublikasının “Şəxsi məlumatlar haqqında” Qanununa uyğun şəkildə həyata keçirilir.
7.1. Azərbaycan Respublikasının İstehlakçıların Hüquqlarının Müdafiəsi Haqqında Qanuna əsasən, dərhal təqdim olunan rəqəmsal xidmətlər və sifarişdən sonra xərci çəkilən məhsullar geri qaytarılmır.
7.2. Geri qaytarılma və ya əvəzləmə yalnız bu hallarda mümkündür:
• məhsul 24-48 saat ərzində təqdim edilməyibsə,
• məhsul ilkin təqdimat zamanı texniki olaraq işləmirsə və bu hal istifadəçi tərəfindən video və ya screenshot ilə təsdiqlənərsə, həmçinin Based.Az tərəfindən yoxlanıldıqdan sonra problemin istifadəçi xətası olmadığı müəyyən edilərsə və 24 saat ərzində həll edilə bilməzsə.
7.3. Yanlış platforma seçimi, məlumatın səhv daxil edilməsi və ya istifadəçi xətası geri qaytarılma əsası deyil.
7.4. Geri ödənişlər yalnız istifadəçinin www.based.az hesabına balans şəklində əlavə edilir.
7.5. Geri ödəniş hesablamaları “Ödəniş və Geri Ödəniş Qaydaları”na uyğun aparılır.
7.6. Vaxtla məhdud rəqəmsal məhsullar və abunəliklər üzrə istifadə müddətinin 90%-i və ya daha çoxu keçdikdə geri ödəniş edilmir.
7.7. Geri ödənişin icra müddəti ödəniş üsulundan asılı olaraq dəyişir və maksimum 3-5 iş günüdür.
8.1. Based.Az tərəfindən göstərilməmiş əlaqə vasitələri ilə aparılan yazışma və alış-verişlərə görə platforma məsuliyyət daşımır.
8.2. Saxta qəbz, fırıldaqçılıq, hesab oğurluğu, üçüncü şəxslərin məlumatlarının dəyişdirilməsi aşkarlandıqda istifadəçi platformadan ömürlük bloklanır.
8.3. Zəruri hallarda hüquq-mühafizə orqanlarına məlumat təqdim edilə bilər.
9.1. Based.Az yalnız xidmətlərin aktivləşdirilməsi və istifadəçiyə təqdim olunması mərhələsinə görə məsuliyyət daşıyır.
9.2. Məhsulun təqdim edildiyi platformaların (Netflix, Spotify, YouTube, OpenAI və s.) daxili siyasətləri, texniki nasazlıqları, təhlükəsizlik yoxlamaları, hesabların deaktiv edilməsi, məhdudlaşdırılması, xidmətin dayandırılması və ya siyasət dəyişiklikləri Based.Az tərəfindən idarə edilmir və nəzarətimizdən kənar hallardır. Bu platformalar abunəlikləri və ya hesabları istənilən vaxt, əvvəlcədən xəbərdarlıq etmədən öz istifadə şərtlərinə uyğun olaraq dəyişdirə, məhdudlaşdıra və ya ləğv edə bilərlər.
9.3. Bu cür hallarda üçüncü tərəf platformalar tərəfindən ödənişlər geri qaytarılmır, çünki xidmətlər üzrə ödəniş sifariş anında həmin platformalara tam şəkildə yönləndirilir və həmin platformalar tərəfindən geri ödəniş həyata keçirilmir. Bu səbəbdən, üçüncü tərəf platformalar tərəfindən həyata keçirilən deaktivasiya, məhdudlaşdırma, siyasət dəyişiklikləri və ya xidmətin dayandırılması hallarında Based.Az tərəfindən geri ödəniş, məhsulun əvəzlənməsi, bərpası və ya kompensasiya təmin edilmir.
9.4. Xidmət təqdim edildikdən sonra məhsulun işləməsi, davamlılığı, aktiv saxlanılması, dayandırılması və ya deaktiv olunması tam olaraq məhsulun təqdim edildiyi platformanın və istifadəçinin məsuliyyətindədir. İstifadəçi xidmətlərdən istifadə etməklə, bu platformaların müstəqil fəaliyyət göstərdiyini və bu kimi hallarda Based.Az-ın məsuliyyət daşımadığını əvvəlcədən qəbul etmiş hesab olunur.
9.5. Based.Az istifadəçi məmnuniyyətinə önəm verir və imkan daxilində istifadəçilərə texniki dəstək, izah, yönləndirmə və ya alternativ həll yolları təqdim edə bilər. Uyğun hallarda balans şəklində kompensasiya təqdim olunması mümkündür.
9.6. Lakin bu cür yardım, güzəşt və ya kompensasiya yalnız Based.Az-ın daxili qərarı əsasında və könüllü qaydada həyata keçirilir, hüquqi öhdəlik yaratmır, daimi təcrübə hesab olunmur və gələcək hallarda eyni qaydada tətbiq olunacağına dair təminat vermir. Based.Az tərəfindən göstərilən hər hansı belə dəstək və ya kompensasiya digər istifadəçilər üçün analoji hüquq və ya tələb əsası yaratmır.
10.1. İstifadəçi hesab məlumatlarını gizli saxlamalıdır.
10.2. Hesabın üçüncü şəxslərlə paylaşılması nəticəsində yaranan məsuliyyət istifadəçiyə məxsusdur.
10.3. Platformada hər hansı fırıldaqçılıq və ya pozuntu aşkar edildikdə, istifadəçi dərhal bloklanır.
11.1. Topdan satış və korporativ əməkdaşlıq yalnız rəsmi sorğu əsasında mümkündür.
11.2. Bütün rəsmi sorğular yalnız contact@based.az ünvanı üzərindən qəbul edilir.
12.1. Saytda göstərilən bütün qiymətlərə vergi daxildir.
12.2. Based.Az Azərbaycan Respublikasının qanunvericiliyinə uyğun fəaliyyət göstərir.
12.3. VÖEN: 3201953392
13.1. Mübahisələr ilkin olaraq yazılı müraciət əsasında həll edilir.
13.2. Razılıq əldə olunmadığı təqdirdə mübahisələr Azərbaycan Respublikasının qanunvericiliyinə uyğun olaraq Bakı şəhəri məhkəmələrində həll olunur.
14.1. Based.Az tərəfindən təqdim olunan xidmətlər rəqəmsal məzmunun onlayn çatdırılmasıdır və fiziki məhsul hesab edilmir. Bu səbəbdən geri qaytarma və dəyişdirilmə qaydaları Azərbaycan Respublikasının “İstehlakçıların Hüquqlarının Müdafiəsi haqqında” Qanununun rəqəmsal məzmunla bağlı müddəalarına uyğun olaraq tətbiq edilir.
Bu qaydalar istifadəçinin qeydiyyatdan keçdiyi andan etibarən qüvvəyə minir və istifadəçi bu şərtlərə əməl etməyə borcludur.
MƏXFİLİK SİYASƏTİ
Based.Az istifadəçilərin şəxsi məlumatlarının məxfiliyinin qorunmasını təmin edir və Azərbaycan Respublikasının “Şəxsi məlumatlar haqqında” Qanununa uyğun fəaliyyət göstərir. Bu sənəd platformadan istifadə zamanı toplanan məlumatların hansı qaydada emal olunduğunu izah edir.
Xidmətlərdən istifadə zamanı aşağıdakı məlumatlar toplanır:
Ad, soyad və əlaqə məlumatları (mobil nömrə və elektron poçt ünvanı)
Ödəniş üçün tələb olunan məlumatlar yalnız Azərbaycan Respublikasının qanunvericiliyinə uyğun fəaliyyət göstərən Kapital Bank (BirBank) və e-point ödəniş sistemi vasitəsilə emal edilir.
Based.Az ödəniş kartı məlumatlarına çıxış əldə etmir, bu məlumatları görmür və saxlamır.
Toplanan məlumatlar yalnız aşağıdakı məqsədlərlə emal olunur:
Xidmətlərin göstərilməsi və sifarişlərin icrası
Müştəri dəstəyinin təmin edilməsi
Təhlükəsizlik, saxtakarlıq və sui-istifadə hallarının qarşısının alınması
Qanunvericiliklə müəyyən olunmuş öhdəliklərin yerinə yetirilməsi
Şəxsi məlumatlar yalnız aşağıdakı hallarda paylaşılır:
• sifariş edilən məhsulun texniki icrası və aktivləşdirilməsi üçün zəruri olduqda;
• qanunla tələb edildikdə müvafiq dövlət orqanları ilə;
• istifadəçinin açıq və təsdiqlənmiş razılığı olduqda.
Based.Az şəxsi məlumatları heç bir halda satmır və kommersiya məqsədi ilə üçüncü şəxslərə ötürmür.
Bəzi məhsulların texniki aktivləşdirilməsi üçün istifadəçinin sifariş zamanı təqdim etdiyi məlumatlar yalnız xidmətin icrası məqsədilə səlahiyyətli texniki əməkdaşlara ötürülə bilər. Bu ötürülmə yalnız xidmətin tamamlanması üçün tələb olunan minimum məlumatlarla məhdudlaşır və kommersiya məqsədi daşımır. Aktivləşdirmə prosesindən sonra bu məlumatlar həmin tərəflər tərəfindən saxlanılmır və istifadə edilə bilməz.
Şəxsi məlumatların təhlükəsizliyi üçün aşağıdakı tədbirlər görülür:
Şifrələnmiş məlumat mübadiləsi
Server və infrastruktur təhlükəsizliyi
İcazəsiz girişə qarşı mühafizə mexanizmləri
Ödəniş məlumatlarının yalnız ödəniş sistemi tərəfindən emal edilməsi
Based.Az ödəniş kartı məlumatlarını görmür, görə bilmir və saxlamır.
İstifadəçi “Şəxsi məlumatlar haqqında” Qanuna əsasən aşağıdakı hüquqlara malikdir:
Öz məlumatlarına baxmaq
Məlumatların düzəldilməsini tələb etmək
Mümkün olduqda şəxsi məlumatların silinməsini tələb etmək
Məlumatların emalına dair suallar vermək
Müraciət üçün: contact@based.az
Şəxsi məlumatlar yalnız xidmətin göstərilməsi, sifarişin icrası və qanunvericiliyin tələb etdiyi öhdəliklərin yerinə yetirilməsi üçün zəruri olan müddətdə saxlanılır. Texniki aktivləşdirmə məqsədilə istifadə edilən məlumatlar isə əlavə emal olunmur və saxlanılması tələb olunmadıqda təhlükəsiz şəkildə silinir və ya anonimləşdirilir.
AÇIQ RAZILIQ BƏYANNAMƏSİ
Bu “Açıq Razılıq Bəyannaməsi” istifadəçinin şəxsi məlumatlarının Based.Az tərəfindən emal edilməsinə açıq və təsdiqlənmiş razılığını əks etdirir. Qeydiyyatdan keçməklə və ya sifariş verməklə, istifadəçi aşağıdakı şərtlərlə tam razı olduğunu təsdiqləyir.
İstifadəçi öz iradəsi ilə aşağıdakı şəxsi məlumatların Based.Az tərəfindən emal edilməsinə razılıq verir:
Ad və soyad
Mobil nömrə
Elektron poçt ünvanı
Sifariş zamanı təqdim edilmiş məlumatlar
Ödəniş zamanı tələb olunan kart və maliyyə məlumatları yalnız BirBank (Kapital Bank) və E-point ödəniş sistemi tərəfindən emal olunur. Based.Az bu məlumatlara heç bir halda çıxış əldə etmir və onları saxlamır.
İstifadəçi şəxsi məlumatlarının aşağıdakı məqsədlərlə emalına razıdır:
Xidmətlərin göstərilməsi və sifarişlərin icrası
Hesabların və abunəliklərin aktivləşdirilməsi
Müştəri dəstəyinin təmin edilməsi
Fırıldaqçılıq hallarının qarşısının alınması
Qanunvericiliklə tələb olunan öhdəliklərin icrası
Xidmətin aktivləşdirilməsi üçün zəruri məlumatların istifadəsi
İstifadəçi şəxsi məlumatlarının aşağıdakı hallarda üçüncü şəxslərə ötürülməsinə razılıq verir:
Sifarişin texniki icrası üçün yalnız zəruri məlumatların Based.Az səlahiyyətli texniki əməkdaşlarına ötürülməsi
Məhsulun aktivləşdirilməsi üçün tələb olunan minimal məlumatların istifadə edilməsi
Qanunla tələb olunduqda dövlət qurumlarına təqdim edilməsi
Based.Az şəxsi məlumatları kommersiya məqsədi ilə satmır və üçüncü şəxslərə ötürmür.
4.1. İstifadəçi məlumatları yalnız xidmətin göstərilməsi və sifarişin icrası üçün tələb olunan müddətdə, həmçinin Azərbaycan Respublikasının qanunvericiliyinin tələblərinə uyğun şəkildə saxlanılır.
4.2. Xidmət tam şəkildə təqdim edildikdən və sifariş başa çatdıqdan sonra istifadəçi məlumatları yalnız qanunvericilikdən irəli gələn zəruri hallarda saxlanıla bilər. Bunun xaricində əlavə emal aparılmır.
4.3. İstifadəçi sifariş etdiyi məhsul şəxsi istifadə üçün nəzərdə tutulan fərdi hesab üzərindən təqdim olunubsa, xidmət tamamlandıqdan sonra həmin hesab üzərində (parol dəyişmək, təhlükəsizlik ayarlarını yeniləmək və s.) öz istəyi ilə dəyişiklik etmək hüququna tam malikdir.
4.4. Based.Az yalnız sifarişin aktivləşdirilməsi və icrası üçün tələb olunan minimum məlumatlardan istifadə edir. Bu məlumatlar əlavə kommersiya məqsədləri üçün istifadə edilmir.
İstifadəçi “Şəxsi məlumatlar haqqında” Qanuna əsasən aşağıdakı hüquqlara malik olduğunu təsdiqləyir:
Öz məlumatlarına çıxış əldə etmək
Məlumatların düzəldilməsini tələb etmək
Məlumatların silinməsini tələb etmək (texniki və hüquqi imkanlar daxilində)
Məlumatların emalına dair sual vermək
Müraciət üçün: contact@based.az
İstifadəçi şəxsi məlumatlarının emalına verdiyi razılığı istənilən vaxt müraciət etməklə geri çəkə bilər.
Razılığın geri çəkilməsi, geri çəkilmədən əvvəl edilmiş emalı qanunsuz etmir.
İstifadəçi qeydiyyatdan keçməklə və/və ya sifariş verməklə aşağıdakıları təsdiq edir:
Bu Açıq Razılıq Bəyannaməsini tam şəkildə oxudum;
Şəxsi məlumatlarımın göstərilən məqsədlərlə emal edilməsinə açıq razılıq verirəm;
Şərtlərin mənə aydın olduğunu və könüllü şəkildə qəbul etdiyimi bəyan edirəm.
Bu sənəd Based.Az platformasından istifadə zamanı yaranan münasibətlərdə xidmət göstərənin hüquqi məsuliyyətinin hüdudlarını müəyyən edir. Saytdan istifadə etməklə və qeydiyyatdan keçməklə, istifadəçi aşağıda göstərilmiş bütün şərtlərlə razılaşmış hesab olunur.
1.1. Təqdim olunan xidmətlər hər bir üçüncü tərəf platformanın xidmət şərtlərinə uyğun şəkildə həyata keçirilir.
1.2. Based.Az yalnız xidmətin aktivləşdirilməsi və istifadəçiyə təqdim olunması mərhələsinə cavabdehdir.
2.1. Rəqəmsal məhsulların işləmə qaydası, aktivlik müddəti, texniki nasazlıqları, təhlükəsizlik yoxlamaları və hesabların deaktiv edilməsi tam olaraq məhsulun təqdim edildiyi platformanın (Netflix, YouTube və s.) daxili siyasətlərindən asılıdır.
2.2. Deaktivasiya halları üçüncü tərəf platformanın daxili təhlükəsizlik sistemlərinin nəticəsidir və Based.Az bu prosesə müdaxilə edə bilmir.
2.3. Based.Az üçüncü tərəf platformalarının fəaliyyətinə, siyasət dəyişikliklərinə və texniki problemlərinə təsir göstərə bilməz və bu proseslərə görə məsuliyyət daşımır.
3.1. Sifariş edildikdən sonra xərci çəkilən və ya istifadəçiyə dərhal təqdim edilən rəqəmsal xidmətlər üzrə geri ödəniş edilmir.
3.2. Geri ödəniş iddiası yalnız istifadəçinin təqdim etdiyi açıq və tam video sübut əsasında qiymətləndirilir.
3.3. Based.Az olaraq yalnız könüllü və imkan daxilində istifadəçilərimizə yardım göstəririk, lakin bu hüquqi öhdəlik sayılmır.
4.1. İstifadəçi hesab məlumatlarını, şifrələri və təqdim olunan xidmətlərə çıxışı qorumağa borcludur.
4.2. Hesabın üçüncü şəxslərlə paylaşılması, yanlış məlumat daxil edilməsi, təyin olunan qaydalara əməl olunmaması və sui-istifadə halları tam olaraq istifadəçinin məsuliyyətidir. (Sui-istifadə - hesab məlumatlarının üçüncü şəxslərə verilməsi, multi-login, region dəyişiklikləri, riskli giriş cəhdləri və s. halları nəzərdə tutur.)
4.3. İstifadəçinin cihazı, interneti, DNS və ya fərdi texniki problemlər səbəbilə xidmətə daxil ola bilməməsi üçün Based.Az məsuliyyət daşımır.
5.1. Bəzi xidmətlərin aktivləşdirilməsi üçün səlahiyyətli texniki əməkdaşların və/və ya xüsusi region bağlantılarının istifadəsi tələb oluna bilər.
5.2. Bu proses yalnız xidmətin təqdim edilməsi məqsədi ilə aparılır və tətbiq olunan hüquqi və texniki tələblərə uyğun şəkildə həyata keçirilir.
5.3. Aktivləşdirmə üçün istifadəçidən əldə olunan məlumatlar yalnız icra məqsədi ilə emal olunur və sonradan saxlanılmır.
6.1. Based.Az qanunvericiliklə tələb olunmadığı hallarda aşağıdakılara görə məsuliyyət daşımır:
• üçüncü tərəf platformalarının xidməti dayandırması və ya deaktiv etməsi
• istifadəçinin verdiyi yanlış məlumatlar
• istifadəçinin cihaz və internet problemləri
• xidmətin təqdim edilməsindən sonra istifadənin itirilməsi
• birbaşa olmayan, təsadüfi, xüsusi, dolayı zərərlər, mənfəət itkisi və reputasiya zərəri
6.2. Platforma heç bir dolayı zərərə görə (o cümlədən məlumat itkisi, əməliyyat fasiləsi, müştəri itkisi) məsuliyyət daşımır
7.1. Bu sənəd Azərbaycan Respublikasının qanunvericiliyinə əsaslanır.
7.2. Mübahisələr ilkin olaraq yazılı müraciət əsasında həll edilir.
7.3. Razılıq əldə olunmadığı təqdirdə mübahisələr yalnız Bakı şəhəri məhkəmələrində həll olunur.
Saytdan istifadə etməklə istifadəçi aşağıdakıları təsdiq edir:
• Bu sənədi oxudum və şərtlərlə razıyam
• Xidmətlərin rəqəmsal xarakterə malik olduğunu anlayıram
• Üçüncü tərəf platformalarının fəaliyyətinə Based.Az-ın cavabdeh olmadığını qəbul edirəm
• Deaktivasiya və siyasət dəyişiklikləri zamanı geri ödəniş tələb etməyəcəyimi qəbul edirəm
Bu Qaydalar Based.Az platformasında göstərilən xidmətlər üzrə ödənişlərin aparılması və geri ödəniş prosedurlarını tənzimləyir. Sifariş edən hər bir istifadəçi bu qaydaları tam şəkildə qəbul etmiş hesab olunur.
1.1. Ödənişlər yalnız aşağıdakı rəsmi kanallar vasitəsilə qəbul edilir:
• Kapital Bank (BirBank)
• e-point rəqəmsal ödəniş sistemi
• M10
• Portmanat
• Google Pay / Apple Pay
1.2. Üçüncü şəxslərə edilən ödənişlərə görə Based.Az məsuliyyət daşımır.
1.3. Qəbz təqdim edilməzsə, sistemdə ödənişin mövcudluğu yalnız bankdan alınan təsdiqlə (çıxarışla) yoxlanılır.
1.4. Based.Az ödəniş kartı məlumatlarına heç bir halda çıxış əldə etmir və bu məlumatları saxlamır.
2.1. Rəqəmsal məhsullar (abunəliklər, hesablar, promokodlar və digər elektron xidmətlər) adətən dərhal, gecikmə olarsa maksimum 24-48 saat ərzində təqdim edilir.
2.2. Rəqəmsal məhsul təqdim olunduğu andan istifadə edilmiş hesab olunur.
2.2.1. Təqdimat dedikdə hesab məlumatlarının, giriş imkanının, aktiv linkin, promokodun, dəvətin və ya abunəliyin istifadəçiyə ötürülməsi başa düşülür. Bu andan etibarən rəqəmsal məhsul təqdim edilmiş hesab olunur.
Geri ödəniş yalnız aşağıdakı iki halda mümkündür:
3.1. Məhsul 24-48 saat ərzində təqdim edilməyibsə.
3.2. Təqdim edilən məhsul qüsurludursa və bu hal istifadəçi tərəfindən sübutla (video, screenshot) təsdiqlənirsə.
Qüsurlu məhsul dedikdə yalnız təqdim edilmiş hesabın və ya xidmətin ilkin daxilolma və ilk istifadə mərhələsində texniki olaraq işləməməsi nəzərdə tutulur. Sonradan üçüncü tərəf platforma tərəfindən deaktiv edilən, məhdudlaşdırılan və ya dayandırılan məhsullar qüsurlu məhsul hesab edilmir.
Bu iki hal xaricində geri ödəniş həyata keçirilmir.
⚠️ Geri Ödənişlər, yalnız hər istifadəçinin www.based.az saytındakı hesabına "balans" olaraq əlavə olunur. Vaxtla məhdud rəqəmsal məhsullar və abunəliklər üzrə istifadə müddətinin 90%-i və ya daha çoxu keçdikdə geri ödəniş edilmir.
Aşağıdakı bütün vəziyyətlərdə geri ödəniş verilmir:
4.1. Dərhal təqdim olunan rəqəmsal xidmətlərə görə
Azərbaycan Respublikasının “İstehlakçıların Hüquqlarının Müdafiəsi Haqqında” qanununa əsasən, dərhal təqdim olunan elektron xidmətlər, rəqəmsal məzmun və promokodlar geri qaytarılmır.
4.2. Rəqəmsal məhsul təqdim olunduqdan sonra
Hesabın və ya abunəliyin aktivləşdirilməsi təqdimat hesab olunur və geri ödəniş əsası deyil.
4.3. Platformanın hesabı deaktiv etməsi və ya əlavə yoxlama aparması
Netflix, Spotify, YouTube, OpenAI, Adobe və digər platformalar öz daxili siyasətinə əsasən abunəliyi ləğv edə bilər.
Platforma tərəfindən deaktiv etmələr və ya siyasət dəyişikliklərinə görə Based.Az geri ödəniş etmir.
4.4. Məhsula və sifariş icrasına çəkilən xərclər
Geri ödəniş zamanı məhsulun təmin olunması və sifarişin icrası üçün çəkilmiş xərclər nəzərə alınır və bu xərclər geri qaytarılmır.
4.5. İstifadəçinin səhvi
• Yanlış platforma seçimi
• Yanlış e-mail / telefon məlumatı daxil edilməsi
• Hesaba giriş edə bilməmək (şəxsi cihaz problemi)
• VPN, region və ya cihaz uyğunluğu ilə bağlı istifadəçi xətaları
4.6. İstifadəçinin bəyənməməsi
İstifadəçiyə təqdim edilən hazır hesab, qoşulma dəvəti, family paketi və ya aktivləşdirilmiş xidmət üzrə görünən e-poçt adı, profil adı, istifadəçi adı, hesab adı, qrup/family adı və oxşar identifikasiya elementləri əvvəlcədən yaradılmış və ya texniki olaraq formalaşdırılmış ola bilər. Bu məlumatlar xidmətin funksionallığına təsir etmədiyi halda qüsur hesab olunmur. İstifadəçinin bu məlumatları subyektiv olaraq bəyənməməsi, estetik səbəblərlə narazı qalması və ya adlandırma ilə bağlı etirazları geri ödəniş, əvəzləmə, dəyişdirilmə və ya sifarişin ləğvi üçün əsas yaratmır.
4.7. Dərhal təqdim olunan rəqəmsal məzmun, elektron xidmət, aktiv kod və abunəliklər üzrə geri çəkilmə hüququ tətbiq edilmir, qanunvericiliklə başqa hal tələb olunmadıqda.
5.1. Geri ödənişlər yalnız istifadəçinin www.based.az hesabına balans şəklində əlavə edilir. Bank kartına və ya birbaşa hesabına geri ödəniş edilmir. Balans yalnız Based.Az daxilində istifadə edilə bilər və nağdlaşdırılmır.
5.2. Geri ödəniş sorğusunun icra müddəti maksimum 3-5 iş günüdür.
5.3. Geri ödəniş həyata keçirilən hallarda, sifarişin icrası ilə bağlı yaranan ödəniş əməliyyatları (bank komissiyası, vergi) və digər zəruri xidmət xərcləri nəzərə alınaraq ümumi məbləğdən 5%-dək xidmət haqqı tutulur. Bu məbləğ geri ödəniş edilən yekun balansdan çıxılır. (Qeyd edək ki, Saytda edilən ödənişlər zamanı Based.Az tərəfindən hər hansı ödəniş tutulmur, tam faizsiz mədaxil edilir)
5.4. Vaxtla məhdud rəqəmsal məhsullarda geri ödəniş hesablanarkən yalnız istifadə olunmamış müddət nəzərə alınır. Məhsulun ümumi qiyməti təqdim edilən müddətə bölünür və qalan istifadə müddətinə uyğun məbləğ müəyyən edilir. Həmin məbləğdən bank komissiyaları, vergi və əməliyyat xərcləri nəzərə alınaraq 5%-dək xidmət haqqı tutulur. Yekun məbləğ istifadəçinin Based.Az balansına əlavə edilir.
5.5. İstifadə müddətinin 90%-i və ya daha çoxu keçdikdə geri ödəniş hesablanmır və balans əlavə edilmir.
5.6. Əgər məhsul üzrə platforma, tədarükçü və ya texniki aktivləşdirmə xərci artıq çəkilibsə, bu xərc geri ödəniş məbləğindən çıxıla bilər.
6.1. Based.Az yalnız xidmətin aktivləşdirilməsinə görə məsuliyyət daşıyır və platformaların daxili siyasətinə qarışa bilməz.
6.2. Abunəlik təqdim edildikdən sonra məhsulun işləməsi, ləğvi, deaktiv olunması və ya texniki problemlər müvafiq platformanın (Netflix, YouTube, Spotify, OpenAI və s.) məsuliyyət sahəsinə daxildir.
6.3. Bu kimi üçüncü tərəf müdaxilələrinə görə Based.Az tərəfindən geri ödəniş və ya əvəzləmə həyata keçirilmir.
7.1. Ağır qayda pozuntusu (saxta qəbz, kart fırıldaqçılığı, hesab oğurluğu və s.) aşkarlandıqda istifadəçi müddətsiz bloklanır.
7.2. Based.Az zəruri hallarda məlumatları hüquq-mühafizə orqanları ilə paylaşa bilər.
Sifariş verilməsi və ödəniş edilməsi, istifadəçinin bu “Ödəniş və Geri Ödəniş Qaydaları”nı tam şəkildə qəbul etməsi deməkdir.
Based.Az platformasından istifadə etməklə istifadəçi aşağıdakı hüquqi şərtlərin hamısını qəbul etmiş hesab olunur. Bu sənəd Based.Az xidmətlərindən istifadə zamanı yaranacaq hüquqi münasibətlərin sərhədlərini müəyyən edir və platformanın məsuliyyətinin məhdudlaşdırılmasını təmin edir.
1.1. Based.Az tərəfindən təqdim olunan xidmətlər rəqəmsal məzmunun və onlayn abunəliklərin texniki aktivləşdirilməsi xidmətidir.
Platforma istifadəçiyə hər hansı platformanın rəsmi nümayəndəliyini, distribütorluğunu və ya əməkdaşlığını təmsil etmir.
1.2. Based.Az tərəfindən təqdim edilən hesab məlumatları və abunəliklər fiziki məhsul deyil, yalnız rəqəmsal xidmət hesab olunur.
1.3. İstifadəçi razıdır ki, Based.Az yalnız xidmətin aktivləşdirilməsi mərhələsinə cavabdehdir. Aktivləşdirmə tamamlandıqdan sonra xidmətin davamlılığına dair məsuliyyət müvafiq platformaya məxsusdur.
2.1. Netflix, YouTube Premium, Spotify, OpenAI, Adobe Creative Cloud və digər platformalar Based.Az-dan tam müstəqil hüquqi şəxslərdir. Onların siyasətləri, təhlükəsizlik yoxlamaları və texniki məhdudiyyətləri Based.Az tərəfindən idarə edilmir.
2.2. Bu platformaların aşağıdakı halları üçün Based.Az məsuliyyət daşımır:
hesab və ya abunəliyin deaktiv edilməsi,
region və ya ölkə məhdudiyyəti tətbiqi,
ödənişlərin platforma tərəfindən qəbul edilməməsi,
təhlükəsizlik yoxlamaları və cihaz məhdudiyyətləri,
siyasət dəyişiklikləri və texniki xətalar,
platforma tərəfindən xidmətin dayandırılması.
Siyahıda qeyd edilməyən digər texniki və hüquqi müdaxilələr də üçüncü tərəfin qərarlarından asılıdır.
2.3. Based.Az tərəfindən qanunvericiliklə açıq şəkildə başqa hal tələb olunmadıqda geri ödəniş, əvəzləmə və ya bərpa öhdəliyi yaranmır. Çünki xidmətin təqdim edildiyi an üçün ödəniş tam şəkildə üçüncü tərəf platformaya həyata keçirilir və həmin platformalar bu ödənişləri geri qaytarmır.
3.1. Rəqəmsal məhsulların aktivləşdirilməsi üçün Based.Az yalnız istifadəçinin təqdim etdiyi minimum məlumatlardan istifadə edir.
3.2. Bəzi xidmətlərin aktivləşdirilməsi üçün texniki zərurət olaraq aşağıdakı proseslər tətbiq oluna bilər:
müxtəlif regionlara qoşulma (region uyğunluğu və texniki aktivləşdirmə metodları tətbiq oluna bilər),
səlahiyyətli texniki əməkdaşların hesaba giriş etməsi,
yoxlama və aktivləşdirmə addımlarının icra olunması.
Texniki əməkdaşın girişi yalnız aktivləşdirmə məqsədilə, müddətli və məhdudlaşdırılmış şəkildə həyata keçirilir.
3.3. Bu proseslər yalnız sifarişin icrası məqsədilə həyata keçirilir və şəxsi məlumatların icazəsiz istifadəsi qadağandır.
4.1. İstifadəçi aldığı abunəliyi yalnız şəxsi istifadə məqsədilə istifadə etməlidir.
4.2. Tək cihazlıq və ya fərdi hesabların başqaları ilə paylaşılması qadağandır.
4.3. İstifadəçinin səhv məlumat daxil etməsi nəticəsində yaranan problemlərə görə Based.Az məsuliyyət daşımır.
4.4. Hesab məlumatlarının təhlükəsiz saxlanılması istifadəçinin öhdəliyidir.
Multi-login və ya region uyğunsuzluğu nəticəsində yaranan problemlərə görə məsuliyyət istifadəçiyə məxsusdur.
5.1. Based.Az platformada göstərilən məlumatların doğruluğunu təmin etsə də, hər hansı texniki gecikmələrə, üçüncü tərəf platformaların davranışına, xidmətin stabilliyinə və davamlılığına zaminlik vermir.
5.2. İstifadəçi platformadan istifadə ilə bağlı yaranan bütün risklərin özünə məxsus olduğunu qəbul edir.
5.3. Aşağıdakı hallarda məsuliyyət xarici platformaya aid olur:
üçüncü tərəf platformaların dəyişiklikləri,
xarici ölkə siyasəti və region məhdudiyyətləri,
texniki nasazlıqlar,
istifadəçinin platforma qaydalarını pozması,
istifadəçinin yanlış məlumat daxil etməsi.
Mümkün olduğu dərəcədə məlumatların düzgünlüyü təmin edilir, lakin xarici platformaların texniki qərarlarına müdaxilə edilmir.
6.1. Tərəflər arasında yarana biləcək mübahisələr ilkin olaraq yazılı müraciət və danışıqlar yolu ilə həll edilməyə çalışılır.
6.2. Əgər tərəflər arasında razılıq əldə olunmazsa, onda yaranmış mübahisəli məsələlər Azərbaycan Respublikasının mövcud qanunvericiliyinə uyğun olaraq məhkəmə tərəfindən həll olunur.
6.3. Müqavilədə nəzərdə tutulmayan məsələlər tərəflər arasında Azərbaycan Respublikasının qüvvədə olan normativ hüquqi aktlarında nəzərdə tutulmuş qaydada həll olunur.