Əhməd haradadır? (1963)

Kənddə valideynlərinin yanına gələn Əhməd öyrənir ki, onun fikrini soruşmadan onu evləndirmək qərarına gəliblər. Bu xəbərdən hirslənən gənc evi tərk edib şəhərə gedir.

Eyni hal Leylanın da başına gəlir: onu istəmədiyi adama ərə vermək istəyirlər, o isə oxumaq üçün şəhərə qaçır. Əhmədin ailəsi oğlunu axtarmağa yola düşür, yolda isə adı Əhməd olan bir çox gülməli adamla rastlaşırlar.

Bu arada təsadüf Əhmədlə Leylanı şəhərdə qarşılaşdırır və gənclər bir-birini sevirlər. Film köhnə adətlərə qarşı çıxan və həyatını özü qurmaq istəyən gənclər haqqındadır.