Özgə ömür (1987)

Fariz Əmiroviç Rzayev iyirmi ildən çoxdur ki, ölkənin ən böyük institutlarından birinə rəhbərlik edir. Savadlıdır, işini yaxşı bilir, amma vəzifə onu elə udub ki, doğmalarını da unudub: evdə arvadı ondan narazıdır, oğullarının, gəlinlərinin öz dərdi var.

Film onun adi bir iş gününü izləyir. Səhər evdə gəlinlərin problemləri, institutda isə əri işçi qadınla münasibətdə olan Rozanın qalmaqalı, prorektor Tahirbəyovla mübahisə, prokurorluqdan gələn müstəntiq. Rektor başqalarının şəxsi həyatını "əxlaqsızlıq" adı ilə mühakimə edir.

Halbuki özü də ikili ömür yaşayır: eyni binada yaşayan tənha qonşusu Lilya ilə gizli münasibəti var və yalnız onun yanında rahatlıq tapır. Gün boyu yığılan gərginlik isə Farizin xəstə ürəyinə ağır yük olur.