Ölüm növbəsi (2009)

Hadisələr Bakı ətrafındakı kəndlərin birində baş verir. Şamil iki il davam edən yuxudan ayılır, dama çıxıb ruhunun və günahlarının təmizlənməsi üçün Allaha yalvarır.

Yatdığı müddətdə kənddə kimin nə etdiyini, kimin nə gizlətdiyini bilməsi və öncəgörmələri bəzilərini narahat edir. Çirkli pulla varlanan Murtuzun yüksək vəzifəli məmur Zeynalla əlbirliyindən də xəbəri var və onları xəbərdar edir. Onlar isə Şamili aradan götürməyi qərara alırlar.

Paralel xətlərdə Murtuzun qızı Baharla kasıb oğlan Laçının sevgisi, atasının buna qarşı çıxması, bərbər Əmirqulunun müştəriləri və onun Əzrayılla qarşılaşması göstərilir. Film yuxu ilə gerçəklik arasındakı sərhədi bilərəkdən bulandırır.